விஸ்வநாதபுரியில் சட்டவிரோதமாக மது விற்பனையில் ஈடுபட்ட நபர் கைது

கரூர் மாவட்டம் க.பரமத்தி காவல் எல்லைக்கு உட்பட்ட விஸ்வநாதபுரி பகுதியில், சட்டவிரோதமாக மது விற்பனை நடப்பதாக மதுவிலக்கு பிரிவு காவல் துறையினருக்கு தகவல் கிடைத்தது.

இந்த தகவலின் அடிப்படையில் பிப்ரவரி 9ஆம் தேதி மதியம் 2 மணி அளவில் சிறப்பு காவல் உதவி ஆய்வாளர் திலக் விஸ்வநாதபுரி பகுதியில் ரோந்து பணியில் ஈடுபட்ட போது, அப்பகுதியைச் சேர்ந்த கோவிந்தராஜ் என்பவர், அவரது வீட்டின் பின்புறத்தில் சட்டவிரோதமாக மது விற்பனையில் ஈடுபட்டது கண்டுபிடிக்கப்பட்டது.

மேலும், விற்பனைக்கு வைத்திருந்த 8 வாட்டர் மது பாட்டில்களை பறிமுதல் செய்தனர். பின்னர் கோவிந்தராஜ் மீது வழக்கு பதிவு செய்த க. பரமத்தி காவல்துறையினர், பின்னர் அவரை காவல் நிலையப் பினையில் விடுவித்து நடவடிக்கை மேற்கொண்டனர்.