பேருந்து நிலையத்தில் மயங்கி விழுந்தவர் உயிரிழப்பு

கிருஷ்ணகிரி மாவட்டம், போச்சம்பள்ளி பகுதியை சேர்ந்தவர் மோகன் இவருக்கு வயது 42 இவர் நேற்று மாலை தர்மபுரி பேருந்து நிலையத்திற்கு வந்தார். பேருந்து நிலைய நுழைவுவாயில் பகுதி அருகே திடீரென மயங்கி விழுந்தார். இதை பார்த்து அந்த பகுதியில் இருந்தவர்கள் அதிர்ச்சி அடைந்தனர்.

உடனடியாக அவரை மீட்டு தர்மபுரி அரசு மருத்துவமனைக்கு கொண்டு சென்றனர். அங்கு பரிசோதித்த மருத்துவர்கள் அவர் உயிரிழந்ததாக தெரிவித்தனர். இதுபற்றி தகவல் அறிந்த தர்மபுரி நகர காவல் துறையினர் சம்பவ இடத்திற்கு சென்று விசாரணை நடத்தினார்கள்.

அவர் இறந்ததற்கான காரணம் என்ன..? என்பது குறித்து தொடர் விசாரணை நடத்தி வருகிறார்கள்.