திருத்தணி அருகே மின்சாரம் தாக்கி ஒருவர் பலி

திருவள்ளூர் மாவட்டம் திருத்தணி அருகே மங்காபுரம் கிராமத்தைச் சேர்ந்தவர் ரஜாக் அவரது மகன் அருள்(35) இவர் அதே கிராமத்தில் பம்ப் ஆப்ரேட்டராக பணியாற்றி வருகிறார். வழக்கம் போல் இன்று காலை கிராமத்தில் தன்ணீர் விட பம்ப் ஹவுஸ் சென்ற மின் மோட்டார் ஆன் செய்த போது எதிர்பாராத விதமாக அவர்மீது மின்சாரம் தாக்கியதில் அவர் தூக்கி வீசப்பட்டு சம்பவ இடத்திலேயே இறந்தார்.

அப்போது அவரை காப்பாற்ற முயன்ற அதே கிராமத்தை சேர்ந்த சேட்டு (34) என்பவர் மீதும் மின்சாரம் தாக்கியதில் அவர் படுகாயமடைந்து திருத்தணி அரசு மருத்துவமனையில் அனுமதிக்கப்பட்டு தீவீர சிகிச்சை பெற்று வருகிறார். திருத்தணி போலீசார் இறந்த அருள் சடலத்தை கைப்பற்றி பிரேதபரிசோதனைக்காக அரசு மருத்துவமனைக்கு அனுப்பிவைத்து வழக்கு பதிவு செய்து விசாரனை நடத்தி வருகின்றனர்.