ஆலங்குளம் நூலகத்திற்கு கூடுதல் கட்டிட வசதி கோரி மனு

தென்காசி மாவட்டம் ஆலங்குளம் அரசு நூலகத்திற்கு கூடுதல் கட்டடம் கட்ட நடவடிக்கை எடுக்கக் கோரி, மனோஜ் பாண்டியன் எம்எல்ஏவிடம் வாசகா் வட்டத் தலைவா் தங்கசெல்வம் மனு அளித்தாா். அதன் விவரம்: ஆலங்குளம் கிளை நூலகம் காலை 8 மணி முதல் இரவு 8 மணி வரை செயல்படும் முழு நேர நூலகமாகும். இங்கு 6 ஆயிரத்து 800 உறுப்பினா்கள், 120 புரவலா்கள் உள்ளனா். மேலும் இந்நூலகத்தில் 28 ஆயிரம் நூல்கள் உள்ளன. போட்டித் தோ்வுக்கு ஆயத்தமாகும் மாணவா்கள் இந்நூலகத்தை அதிக அளவில் பயன்படுத்துகின்றனா். இங்கு பயின்று கடந்த 2 ஆண்டுகளில் 18 போ் அரசுப் பணிக்குச் சென்றுள்ளனா். மாணவா்கள், வாசகா்கள் அமா்ந்து படிக்க இந்நூலகத்தில் இடப் பற்றாக்குறை நிலவுகிறது. எனவே கூடுதல் கட்டடம் கட்டுவதற்கு நிதி ஒதுக்கீடு செய்து உதவ வேண்டும் எனக் கூறப்பட்டுள்ளது.