பெட்ரோல் பங்க் முற்றுகை முயற்சி: இன்று பேச்சுவார்த்தை

சேலம் மாவட்டம் கெங்கவல்லி வட்டம் தலைவாசல் அருகே சிறுவாச்சூர் ஊராட்சி முன்னாள் தலைவர் ஆதிமூலம், அதே பகுதியை சேர்ந்த, முன்னாள் ஒன்றிய கவுன்சிலர் பொன்னுவேல். இவர்கள், 17 ஆண்டுகளுக்கு முன் பெட்ரோல் பங்க் நடத்தினர். சில ஆண்டுகளுக்கு முன் இவர்கள் இடையே கருத்து வேறுபாடு ஏற்பட்டது. இதனால் பொன்னுவேல், பெட்ரோல் பங்க் நடத்துகிறார். இந்நிலையில் பங்க் உள்ள இடத்தின் மீதான வங்கி கடன், 33 லட்சம் ரூபாயை செலுத்த, வங்கி நிர்வாகம் தெரிவித்துள்ளது. இதுதொடர்பாக, ஆதிமூலம் தரப்பினர், பொன்னுவேலிடம் கூறியபோது, வாக்குவாதம் ஏற்பட்டுள்ளது. நேற்று ஆதிமூலம் தரப்பை சேர்ந்த, 100க்கும் மேற் பட்டோர். பங்க்கை முற்றுகையிட முயன்றனர். தலைவாசல் போலீசார், இருதரப்பினரிடம் இன்று பேச்சு நடத்தி தீர்வு காண்பதாக அறிவுறுத்தி அனைவரையும் கலைந்து போகச்செய்தனர்.