தேசிய வாக்காளர் தினத்தை முன்னிட்டு உறுதிமொழி ஏற்பு

தேசிய வாக்காளர் தினத்தை முன்னிட்டு திருவள்ளூர் மாவட்ட ஆட்சியர் அலுவலகத்தில் வாக்காளர் உறுதிமொழி ஏற்கும் நிகழ்வு மாவட்ட ஆட்சியர் பிரபு சங்கர் தலைமையில் நடைப்பெற்றது.

இதில் மாவட்ட ஆட்சியர் அலுவலகத்தில் பணிபுரியும் அனைத்து துறை சார்ந்த அலுவலர்கள், பணியாளர்கள் கலந்துகொண்டு மாவட்ட ஆட்சியர் பிரபு சங்கர் வாக்காளர் உறுதிமொழியை வாசிக்க அனைவரும் உறுதிமொழியை ஏற்றுக்கொண்டனர். அதனை தொடர்ந்து மாவட்ட ஆட்சியர் வளாகத்தில் வாக்களிப்பது எப்படி என்ற முறையை அனைவருக்கும் விளக்கும் விதமாக மாதிரி வாக்களிப்பு இயந்திரம் வைக்கப்பட்டுள்ளதை ஆட்சியர் அலுவலத்திற்கு வரும் அனைவருக்கும் விளக்கிடும் விதமாக வைக்கப்பட்டுள்ள இயந்திரத்தை அனைவரும் பயன்படுத்தி வருகின்றனர்.