பிளஸ் 1 பொதுத் தேர்வு இன்று துவங்கியது !

தமிழக பள்ளிக்கல்வி பாடத்திட்டத்தில் 10, 11, 12-ம் வகுப்புகளுக்கு பொதுத் தேர்வு நடத்தப்பட்டு வருகிறது. இதன்படி நடப்பாண்டுக்கான பிளஸ்- 2 பொதுத்தேர்வு கடந்த மார்ச் 1ம் தேதி முதல் நடைபெற்று வருகிறது. இதை தொடர்ந்து பிளஸ் 1 வகுப்புக்கான பொதுத்தேர்வு இன்று முதல் மார்ச் 25ம் தேதி வரை நடைபெற உள்ளது. முதல் நாளில் தமிழ் உட்பட மொழி பாடங்களுக்கான தேர்வு நடைபெற்றது. இதன்படி நீலகிரி மாவட்டத்தில் பிளஸ் 1 தேர்வு எழுத தகுதி உடையவர்களுக்கு 41 தேர்வு மையங்கள் அமைக்கப்பட்டது. இதில் தேர்வு எழுத தகுதியாக அறிவிக்கப்பட்ட 6475 பேரில் 6400 கலந்து கொண்டனர். 75 பேர் தேர்வுக்கு வரவில்லை. இதேபோல் விண்ணப்பித்த தனித்தேர்வர்கள் 22 பேரில் 4 பேர் தேர்வெழுத வரவில்லை. இந்நிலையில் 43 முதன்மை கண்காணிப்பாளர்கள், 61 துறை அலுவலர்கள், 82 அலுவலக பணியாளர்கள், 350 அறை கண்காணிப்பாளர்கள், வினாத்தாள் கொண்டு செல்ல வழித்தட அலுவலர்கள் 15 பேர் என 531 ஆசிரியர்கள் இந்த பணியில் ஈடுபட்டனர்.