சாலை விபத்தில் பிளஸ்-1 மாணவர் பலி

சேலம் மாவட்டம் தலைவாசல் அருகே நாவக்குறிச்சி கிராமத்தை சேர்ந்தவர் சின்னசாமி, விவசாயி. இவருக்கு 3 மகன்கள் இருந்தனர். இவர்களில் மகன் அன்பரசன் (16), தேவியாக்குறிச்சி மேநிலைப்பள்ளியில் பிளஸ்-1 படித்து வந்தார். நேற்று முன்தினம் காலை 8 மணியளவில் மாணவர் அன்பரசன், தலைவாசல் தினசரி காய்கறி மார்க்கெட்டுக்கு காய்கறியை விற்பனை செய்ய மோட்டார் சைக்கிளில் வந்தார். அங்கு காய்கறிகளை விற்றுவிட்டு பள்ளிக்கு புறப்படுவதற்காகமோட்டார் சைக்கிளில் வீட்டுக்குதிரும்பி வந்து கொண்டிருந்தார்.தலைவாசல் அருகே நத்தக்கரையில் எதிரே வந்த டிராக்டர், மாணவர் ஓட்டிச் சென்ற மோட்டார் சைக்கிள் மீது எதிர்பாராதவிதமாக மோதியது. இந்த விபத்தில் தலைநசுங்கி சம்பவ இடத்திலேயே மாணவர்பலியானார்.இது குறித்து தகவல் அறிந்ததும், தலைவாசல் போலீசார் அங்கு விரைந்து வந்து மாணவரின் உடலை கைப்பற்றி பிரேத பரிசோதனைக்காக ஆத்தூர் அரசு ஆஸ்பத்திரிக்கு அனுப்பி வைத்தனர். அதே நேரத்தில் விபத்தை ஏற்படுத் திய டிராக்டர் டிரைவர் தப்பிஓடிவிட்டார்.இந்த விபத்து குறித்து தலைவாசல் போலீஸ் இன்ஸ்பெக்டர் அழகு ராணி வழக்குபதிவு செய்து| விசாரணை நடத்தி வருகிறார்.