தர்மபுரி நாடாளுமன்ற தொகுதியில் பாட்டாளி மக்கள் கட்சி வேட்பாளர் மாற்றம்

தர்மபுரியில் பாமக சார்பில் இன்று காலை நடளுமன்ற வேட்பாளராக இரா.அரசாங்கம் பெயர் அறிவிக்கப்பட்ட நிலையில் இன்று மாலை வேட்பாளரை மாற்றியது பாமக. பசுமை தாயகம் அமைப்பின் மாநில தலைவராக உள்ள பாமக தலைவர் அன்புமணி ராமதாசின் மனைவி முனைவர் சௌமியா அன்புமணி வேட்பாளராக அறிவிக்கப்பட்டுள்ளார். அவரின் பெயர் அறிவிக்கும் முன்பே தர்மபுரி நகர பேருந்து நிலையத்தில் பாமகவினர் பட்டாசு வெடித்தும் இனிப்புகள் வழங்கியும் கோஷமிட்டு கொண்டாடினர். தற்பொழுது அதிமுக திமுக பாமக என மும்முனை போட்டியும் ஏற்பட்டுள்ளதால் பாமக தலவர் மனைவி முனைவர் சௌமியா அன்புமணி களம் இறக்கப்பட்டுள்ளதால் தர்மபுரி மாவட்டம் இந்த நாடாளுமன்ற தேர்தலில் ஸ்டார் தொகுதி அந்தஸ்து பெற்றுள்ளது குறிப்பிடதக்கது.