பாமக வேட்பாளர் ம.க.ஸ்டாலின் தீவிர பிரசாரம்

மயிலாடுதுறை மக்களவைத் தொகுதியில் போட்டியிடும் பாமக வேட்பாளர் ம க ஸ்டாலின் கும்பகோணம் கொட்டையூர் பகுதியில் உள்ள விநாயகர் கோவிலில் வழிபாடு செய்து கும்பகோணம் மாநகர் பகுதியில் தீவிர வாக்கு சேகரிப்பில் ஈடுபட்டார் அவருடன் தேசிய ஜனநாயக கூட்டணி கட்சி தொண்டர்களுடன் இருசக்கர வாகனங்களில் பேரணியாக வீதி வீதியாக சென்று தீவிரவாக்கு சேகரிப்பில் ஈடுபட்டனர்.

கும்பகோணம் பாலக்கரை பகுதியில் வாக்கு சேகரிக்க வந்தபோது வேட்பாளர் ம க ஸ்டாலினுக்கு ஜேசிபி இயந்திரத்தின் மூலம் மலர்களை தூவி உற்சாக வரவேற்பளிக்கப்பட்டது பின்னர் பாலக்கரை சந்திப்பில் உள்ள காமராஜர் சிலை தூசி படிந்து அழுக்கடைந்திருந்த நிலையில் இருந்து வேட்பாளர் ம க ஸ்டாலின் துணி கொண்டு காமராஜர் சிலையை துடைத்து சுத்தப்படுத்தி அதற்கு மாலை அணிவித்து மரியாதை செய்தார். பின்னர் தொடர்ந்து கும்பகோணம் மாநகரப் பகுதிகளில் வீதி வீதியாக சென்று வாக்கு சேகரிப்பில் ஈடுபட்டார்.