கீழ்மாம்பட்டு கிராமத்தில் பாமக கொடியேற்றம் நிகழ்ச்சி

பாட்டாளி மக்கள் கட்சியின் தலைவர் அன்புமணி ராமதாஸ் மற்றும் பாட்டாளி மக்கள் கட்சியின் நிறுவனர் ராமதாஸ் ஆகியோரின் ஆணைக்கிணங்க, கடலூர் வடக்கு மாவட்டம், நெய்வேலி கிழக்கு ஒன்றியத்திற்கு உட்பட்ட, கீழ்மாம்பட்டு கிராமத்தில் இரு இடங்களில் பாட்டாளி மக்கள் கட்சி மற்றும் வன்னியர் சங்க கொடி ஏற்றம் நிகழ்ச்சி பாட்டாளி மக்கள் கட்சியின் கடலூர் வடக்கு மாவட்ட செயலாளர் ஜெகன் தலைமையில் நடைபெற்றது. இந்த நிகழ்ச்சியில் பாட்டாளி மக்கள் கட்சியின் நிர்வாகிகள் மற்றும் தொண்டர்கள் கலந்து கொண்டனர். இது மட்டும் இல்லாமல் கொடியேற்றம் நிகழ்ச்சியில் இன்று ( 26. 02. 2024 ) மாலை 4. 00 மணியளவில் வடலூரில் பாட்டாளி மக்கள் கட்சியின் தலைவர் அன்புமணி ராமதாஸ் தலைமையில் பா. ம. க. கொள்கை விளக்க பொதுக்கூட்டத்திற்கு பாட்டாளி மக்கள் கட்சியினர் திரளாக கலந்து கொள்ள வேண்டும் என அழைப்பு விடுக்கப்பட்டது.