போலீசார் கொடி அணிவகுப்பு நிகழ்ச்சி

திண்டுக்கல் மாவட்டத்தில் 122 வாக்குச்சாவடிகள் மிகவும் பதட்டமானவை என கண்டறியப்பட்டுள்ளது. மேலும் தேர்தல் அன்று அசம்பாவிதங்கள் நடக்காமல் தடுக்க முன்னெச்சரிக்கை நடவடிக்கை எடுக்கப்பட்டுள்ளது. பொது மக்களுக்கு ஓட்டளிப்பது குறித்து உறுதி செய்வதற்கு தொடர்ந்து பேரணிகள் ஊர்வலங்கள் நடந்து வருகின்றன. கலவரங்களை தடுப்பதற்கு தனி படைகள் அமைக்கப்பட்டுள்ளன.பாராளுமன்ற தேர்தல் 2024 முன்னிட்டு திண்டுக்கல்லில் எஸ்.பி. தலைமையில் கொடி அணிவகுப்பு நடத்தினர். திண்டுக்கல் மாவட்டத்தில் வருகின்ற பாராளுமன்ற தேர்தல்-2024 முன்னிட்டு மக்கள் எவ்வித அச்சமுமின்றி, சுதந்திரமாக வாக்களிக்கவும் மற்றும் பாதுகாப்பை உறுதி செய்யும் விதமாகவும் திண்டுக்கல் மாவட்ட காவல் கண்காணிப்பாளர் பிரதீப் தலைமையில் நடந்தது.