போலீசார் அதிரடி; ஒரே இரவில் 25 ஆட்டோக்கள் பறிமுதல்
தேனியில் ஒரே இரவில் 25க்கும் மேற்பட்ட ஆட்டோக்களை போலீசார் பறிமுதல் செய்தனர்.
தேனி நகரில் காவல்துறை அதிரடி சோதனை ஒரே இரவில் 25க்கும் மேற்பட்ட ஆட்டோக்கள் பறிமுதல் தேனி மாவட்ட காவல் கண்காணிப்பாளர் சிவபிரசாத் உத்தரவின் பேரில் தேனி உட்கோட்ட காவல்துணை கண்காணிப்பாளர் பார்த்திபன் தலைமையில் காவல் ஆய்வாளர்கள் தேனி நகர், போக்குவரத்து, அல்லிநகரம், பழனிசெட்டிபட்டி ஆகிய காவல் நிலைய சரகங்களில் இரவு நேரங்களில் ஓடும் ஆட்டோக்களில், ஆட்டோ பெர்மிட், பிட்னஸ் செர்டிபிகேட், ஆர்சி புக், ஓட்டுனர் உரிமம் போன்ற ஆவணங்கள் இல்லாமல் ஓட்டுதல், குடிபோதையில் வாகனம் ஓட்டுதல் மற்றும் இதர விதிமீறல்கள் உள்ள வாகன ஓட்டுனர்களுக்கு அபராதம் விதிக்கப்பட்டும், முறையான ஆவணம் இல்லாத வாகனங்கள் பறிமுதல் செய்யப்பட்டும் நடவடிக்கை எடுக்கப்பட்டுள்ளது.
தொடர்ந்து இது போன்ற விதிமீறல்கள் உள்ள வாகனங்களுக்கு அடிக்கடி திடீரென சிறப்பு குழு அமைத்து தணிக்கை செய்யப்பட்டு தகுந்த நடவடிக்கை எடுக்கப்படும் என மாவட்ட காவல் கண்காணிப்பாளர் எச்சரிக்கை விடுத்துள்ளார்கள்.
