பள்ளி மாணவியை பலாத்காரம் செய்ய முயற்சி

குமரி மாவட்டம், கொல்லங்கோடு அருகே ஊரம்பு மாந்தான்விளை பகுதியை சேர்ந்தவர் ஆதர்ஷ்.இவர் வெளிநாட்டில் வேலை பார்த்து வருகிறார்.கடந்த 15 தினங்களுக்கு முன் ஆதர்ஷ் ஊருக்கு வந்துள்ளார்.இந்தநிலையில் ஆதர்ஷ், அதே பகுதியை சேர்ந்த 9 ம் வகுப்பு மாணவி ஒருவர் கடைக்கு சென்ற போது அவரை பின் தொடர்ந்து சென்று, ஆள் நடமாட்டம் இல்லாத பகுதியில் வைத்து அவரை கீழே தள்ளி உடல் ரீதியாகதொந்தரவு செய்து தவறாக நடக்க முயன்றார்.

மாணவி கூச்சலிட்டதும் ஆதர்ஷ் தப்பி ஓடி உள்ளார்.பாதிக்கப்பட்ட மாணவி, தனது வீட்டுக்கு வந்து, தனக்கு நேர்ந்த கொடுமையை தனது தாயிடம் கூறி அழுதுள்ளார். மாணவியின் தாயார் இது சம்பந்தமாக கொல்லங்கோடு போலீசில் புகார் செய்தார். போலீசார் ஆதர்ஷ் மீது வழக்கு பதிவு செய்து, அவரை தேடி வருகின்றனர். மாணவி தற்போது மருத்துவ பரி சோதனைக்காக அனுமதிக்கப்பட்டுள்ளார்.