கார் டிரைவரை இரும்பு கம்பியால் தாக்கிய வேன் டிரைவருக்கு போலீஸ் வலைவீச்சு!

தூத்துக்குடி மாவட்டம், சாத்தான்குளம் அருகே தோப்புவளம் சாலை தெருவைசேர்ந்தவர் சங்கர் (55) வாடகைக்கு கார் டிரைவரான இவருக்கும் வேன் டிரைவரான சாத்தான்குளம் வீரபாகு மகன் பொன்பாண்டி என்பவருக்கும் இங்குள்ள சன்னதி தெருவில் ஸ்டாண்டில் தங்களது வாகனங்களை நிறுத்தி வைப்பது தொடர்பாக பிரச்சனை இருந்து வந்துள்ளது. இந்நிலையில் நேற்றும் தங்களது வாகனங்களை நிறுத்துவது தொடர்பாக இருவருக்கும் இடையே தகராறு ஏற்பட்டது. இதில் ஆத்திரம் அடைந்த பொன்பாண்டி, இரும்பு கம்பியால் சங்கரை தாக்கியதுடன், கொலை மிரட்டல் விடுத்தாராம். இதுகுறித்து சங்கர் அளித்த புகாரின்பேரில் சாத்தான்குளம் காவல் தலைமை காவலர் முருகேசன் வழக்கு பதிவுசெய்தார். உதவி ஆய்வாளர் நாகராஜ் விசாரணை நடத்தி வேன் டிரைவர் பொன்பாண்டியை தேடி வருகிறார்.