மண்டலங்களுக்கு இடையேயான விளையாட்டு போட்டிகளில் பதக்கம் வென்ற போலீசார்

தமிழ்நாடு காவல்துறை சார்பாக மண்டலங்களுக்கு இடையேயான தடகள போட்டிகள் கோயம்புத்தூரில் உள்ள மாவட்ட விளையாட்டு மைதானத்தில் கடந்த 12-ந் தேதி முதல் 16-ந் தேதி வரை நடை பெற்றது. இப்போட்டியில் வடக்கு மண்டலம் சார்பில் விழுப்புரம் மாவட்டத்தை சேர்ந்த போலீஸ் இன்ஸ்பெக்டர் முத்துலட்சுமி, குண்டு எறி தல் போட்டியில் முதல் பரிசும், நீளம் தாண்டுதலில் 2-ம் பரிசும் பெற்றார். அதேபோல் விழுப்புரம் மதுவிலக்கு அமல்பிரிவு போலீஸ் ஏட்டு அன்பரசன், 100 மீட்டர் ஓட்டப்பந்தயத்தில் 2-ம் பரிசும், நீளம் தாண்டுதலில் முதல் பரிசும், அரகண்டநல்லூர் போலீஸ் நிலைய ஏட்டு ரகோத், 5 கி.மீ. நடைபயிற்சி போட்டியில் 2-ம் பரிசும், திரு வெண்ணெய்நல்லூர் ஏட்டு வரலட்சுமி 5 கி.மீ. நடைபயிற்சி போட்டி யில் முதல் பரிசும், 100 மீட்டர் ஓட்டப்பந்தயத்தில் 2-ம் பரிசும், திண்டிவனம் போலீஸ்காரர் தர்மன், 100, 200 மீட்டர் ஓட்டப்பந்தயத்தில் 2-ம் பரிசும் வென்றனர். இதையடுத்து பதக்கம் வென்ற போலீசார், மாவட்ட போலீஸ் சூப்பி ரண்டு தீபக் சிவாச்சை நேரில் சந்தித்து வாழ்த்து பெற்றனர்.