தஞ்சை தமிழ்ப் பல்கலைக்கழகத்தில் பொங்கல் விழா 

தஞ்சாவூர், தமிழ்ப் பல்கலைக்கழகத்தில், துணைவேந்தர் வி.திருவள்ளுவன் தலைமையில், சமத்துவப் பொங்கல் திருவிழா கரிகாற்சோழன் கலையரங்கில் நடைபெற்றது. நிகழ்விற்கு சிறப்பு விருந்தினராக திரைப்பட இயக்குநர் மு.களஞ்சியம் கலந்து கொண்டு, தமிழரின் பண்பாடு, கலாச்சாரம் குறித்து சிறப்புரை நிகழ்த்தினார். தேர்வுக் கட்டுப்பாட்டு அலுவலர் பேராசிரியர் பெ.இளையாப்பிள்ளை முன்னிலை வகித்தார். நிகழ்ச்சியின் ஒருங்கிணைப்பாளர் உதவிப்பேராசிரியர் சீமான் இளையராஜா அனைவரையும் வரவேற்றார். மாணவர்களின் கலைநிகழ்ச்சிகள், நாட்டுப்புறப் பாடல்கள், கோலப்போட்டிகள் உள்ளிட்ட விளையாட்டுப் போட்டிகள் நடைபெற்றது. துணைவேந்தர் போட்டியில் வெற்றி பெற்ற மாணவ மாணவிகளுக்கு சான்றிதழ்களும், பரிசுகளும் வழங்கி சிறப்பித்தார். மாணவ, மாணவிகளின் கலைநிகழ்ச்சிகள் நடைபெற்றது. நிறைவாக நிகழ்ச்சியின் ஒருங்கிணைப்பாளர் இணைப்பேராசிரியர் ஆ.துளசேந்திரன் நன்றி கூறினார்.