பேராவூரணியில் பயனாளிகளுக்கு பொங்கல் பரிசுத் தொகுப்பு

தஞ்சாவூர் மாவட்டம், பேராவூரணி, சேதுசாலை நியாய விலைக் கடையில், பொங்கல் பரிசுத் தொகுப்பு வழங்கும் விழா வியாழக்கிழமை இரண்டாவது நாளாக நடைபெற்றது. பேராவூரணி சட்டப்பேரவை உறுப்பினர் நா.அசோக்குமார் தலைமை வகித்து, பொதுமக்களுக்கு பச்சரிசி, சர்க்கரை, கரும்பு, ரொக்கப் பணம் ரூ.1000 அடங்கிய பரிசுத் தொகுப்பினை வழங்கினார். இதேபோல், பைங்கால் ஊராட்சியிலும் பொதுமக்களுக்கு பொங்கல் பரிசுத் தொகுப்பு வழங்கப்பட்டது. நிகழ்ச்சியில், கூட்டுறவு சார்பதிவாளர் (பொது விநியோகத் திட்டம்) ஏ.அறிவழகன், தனி வருவாய் ஆய்வாளர் செந்தூர் கனகவேல், கூட்டுறவு சங்க செயலாளர் ஆர்.தெட்சணாமூர்த்தி, திமுக மாவட்ட அவைத்தலைவர் சுப.சேகர், தலைமை பொதுக்குழு உறுப்பினர் அ.அப்துல் மஜீத், பைங்கால் ஊராட்சி மன்றத் தலைவர் அமுதா சுப்பிரமணியன், கவிஞர் மா.பழனிவேல் மற்றும் பேரூராட்சி, ஊராட்சி மன்ற துணைத் தலைவர்கள், உறுப்பினர்கள், பொதுமக்கள், பயனாளிகள் கலந்து கொண்டனர்.