அஞ்சல் ஊழியா்கள் தலைமை தபால் நிலையம் முற்றுகை போராட்டம்

மயிலாடுதுறை மாவட்டம் முழுவதும், அகில இந்திய கிராமிய அஞ்சல் ஊழியர்கள் சங்கம் சார்பில், காலவரையற்ற வேலை நிறுத்த போராட்டம் நடைபெற்று வருகிறது. சீர்காழியில் கிராமிய அஞ்சல் ஊழியர் சங்க தலைவர் தாஸ் ,தலைமையில் நடைபெற்ற போராட்டத்தில், அஞ்சல் ஊழியர்களுக்கு 8 மணி நேரம் வேலையை உறுதிப்படுத்த வேண்டும் ஓய்வூதியம் உள்ளிட்ட அனைத்து பலன்களையும் வழங்க வேண்டும் என, முழக்கம் எழுப்பினர். கோரிக்கைகள் நிறைவேறும் வரைகாலவரையற்ற வேலை நிறுத்த போராட்டம் தொடரும் எனவும் தெரிவித்துள்ளனர்.