அறந்தாங்கியில் நாளை மின்தடை

அறந்தாங்கி பகுதியில் வியாழக்கிழமை (ஜூன் 13) மின்விநியோகம் இருக்காது என மின்வாரிய செயற்பொறியாளர் ஆர். எம். வெங்கட்ராமன் தெரிவித்துள்ளார். இதுகுறித்து அவர் விடுத்துள்ள செய்திக்குறிப்பு: புதுக்கோட்டை மாவட்டம், அறந்தாங்கி மின் கோட்டத்துக்கு உள்பட்ட அழியாநிலை, நாகுடி, கீரமங்கலம், கொடிக்குளம், ராஜேந்திரபுரம், ஆவணத்தான்கோட்டை,மறமடக்கி, ஆவுடையார்கோவில்,அமரடக்கி, வல்லவாரி ஆகிய துணை மின்நிலையங்களில் வியாழக்கிழமை (ஜூன் 13) பராமரிப்புப் பணிகள் மேற்கொள்ளப்படவுள்ளது.அதனால், இங்கிருந்து மின் விநியோகம் பெறும் பகுதிகளுக்கு காலை 9 மணி முதல் மாலை 4 மணி வரை மின்விநியோகம் இருக்காது என தெரிவித்துள்ளார்.