தனியார் பள்ளி விருது வழங்கும் விழா

ஈரோடு மேட்டுக்கடை அருகே செயல்பட்டு வரும் ஆச்சாரியா பள்ளியின் சார்பில் மாணவ மாணவிகளுக்கு விருது வழங்கும் நிகழ்ச்சி நடைபெற்றது.பள்ளியின் நிர்வாக இயக்குனர் அரவிந்தன் தலைமையில் நடைபெற்ற நிகழ்ச்சியில் மாணவ மாணவிகளுக்கு விருதுகள் வழங்கப்பட்டன.விருது பெற்ற மாணவ மாணவிகள் மழலை குரலில் பள்ளியின் பெருமை பேசியது பெற்றோர்களை வெகுவாக கவர்ந்தது.

தொடர்ந்து பெற்றோர்களின் காலில் விழுந்து ஆசி பெற்ற மாணவ மாணவிகளுக்கு விருதுகள் வழங்கப்பட்டன. பெற்றோர்களுக்கு மரியாதை கொடுக்கும் பழக்கத்தை சிறு வயதில் இருந்தே ஊக்குவிக்கும் விதமாக இந்த விருது வழங்கும் விழா நடைபெறுகிறது. இதனையடுத்து பள்ளி மாணவ மாணவிகளின் கண்கவர் கலை நிகழ்ச்சிகள் நடைபெற்றது. விழாவில் பள்ளியின் ஆசிரிய ஆசிரியைகள் மாணவ மாணவிகள் மற்றும் பெற்றோர்கள் கலந்து கொண்டனர்.