சாலை விபத்தில் பேராசிரியர் மனைவி பலி !

மதுரை அருகே காமராஜர் பல்கலைக்கழக குடியிருப்பு பகுதியைச் சேர்ந்தவர் அனுஷாலட்சுமி (49). இவரது கணவர் சந்திரசேகரன் மதுரை காமராஜர் பல்கலைக்கழகத்தில் விரிவுரையாளராகப் பணியாற்றி வருகிறார். இவர் கணவருடன் மளிகை பொருட்கள் வாங்குவதற்காக நாகமலை புதுக்கோட்டை அருகே பில்லர் சாலை பகுதியில் வாகனத்தை நிறுத்திவிட்டு சாலையை கடக்க அனுஷா லட்சுமி முயன்ற போது அதே வழியாக வேகமாக வந்த இருசக்கர வாகனம் இவர் மீது மோதியதில் காயமடைந்ததால் மயக்கமடைந்தார். அருகில் இருந்தவர்கள் மதுரை அரசு ராஜாஜி மருத்துவ மனையில் சிகிச்சைக்காக சேர்த்தனர். அங்கு சிகிச்சை பெற்று வந்த நிலையில் நேற்று சிகிச்சை பலனின்றி அனுஷாலட்சுமி உயிரிழந்தார். இதுகுறித்து அவரது கணவர் சந்திர சேகரன் நாகமலை புதுக்கோட்டை காவல் நிலையத்தில் புகார் செய்தார். இதுகுறித்து போலீசார் வழக்குப் பதிவு செய்து வேகமாக வந்து மோதி விபத்தை ஏற்படுத்தி சென்ற இருச்சக்கர வாகனத்தில் வந்த மர்ம நபரை தேடி வருகின்றனர்.