PT சார் திரைப்படம் - ரசிகர்களோடு பார்த்த நடிகர் ஹிப்பாப் ஆதி

தமிழகம் முழுவதும் நடிகர் ஹிப்ஹாப் ஆதி நடித்துள்ள PT சார் திரைப்படம் மே 24ம் தேதி வெளியாகி மக்களிடையே பெரும் வரவேற்பு பெற்று வந்தது. மேலும் இதைத் தொடர்ந்து படக்குழுவினர் படத்தின் ப்ரோமோஷனிற்காக தமிழக முழுவதும் திரையரங்குகளில் சென்று மக்களுடன் மக்களாக படம் பார்த்து வருகின்றனர்.இந்த நிலையில் இன்றைய தினம் திருப்பூர் ஸ்ரீ சக்தி திரையரங்கில் பட குழுவினர் ரசிகர்களுடன் அமர்ந்து படத்தைப் பார்த்து ரசித்தனர்.

இதைத்தொடர்ந்து நடிகர் ஹிப் ஹாப் ஆதி பேசியபோது செய்தியாளர்களுடன் கூறுகையில், திருப்பூர் மக்களுடன் ரசிகர்களுடன் படம் பார்த்தது மிகவும் நெகிழ்ச்சியாக உள்ளது என்றும் கோவையை விட திருப்பூர் மக்கள் மிக அதிக வரவேற்பு கொடுத்தனர் அது எனக்கு மிகவும் மகிழ்ச்சியாக உள்ளது, சிறியவர்கள் முதல் பெரியவர்கள் வரை என்னை காண வெகு நேரமாக காத்திருந்து என்னை கண்டதும் ஆனந்தக் கண்ணீரில் மிதந்தனர் அதைப் பார்த்ததும் நான் மிகவும் மகிழ்ச்சியாக இருந்தேன், மற்றும் இந்தப் படத்தில் உங்கள் மாவட்டத்தை சேர்ந்த திரிஷ்வ் என்ற சிறுவன் மிகச் சிறப்பாக நடித்துள்ளார்.

திருப்பூர் மக்கள் மற்றும் இயக்குனர்கள் இது போன்ற சிறுவர்களுக்கு வாய்ப்பு அளிக்க வேண்டும் என்றும் வரும் நாட்களில் திருப்பூர் சார்ந்து வரலாற்று திரைப்படம் வாய்ப்பு கிடைக்கும் போது எடுக்கப்படும் என்று கூறினார்.விரைவில் நான் நடிக்கும் அடுத்த படத்திற்கு உண்டான அப்டேட் விரைவில் அறிவிக்கப்படும் என்றும் திருப்பூர் மக்களுக்கு நன்றி என்ற வார்த்தையில் முடிக்க முடியவில்லை அவர்களுக்கு மென்மேலும் நன்றியையும் பதிவு செய்ய விரும்புகிறேன் என்று அவர் பேசினார்!!!