சுந்தம்பட்டி மகளிர் சுகாதார வளாகத்தை சீரமைக்க பொதுமக்கள் கோரிக்கை!

கந்தர்வகோட்டை அருகே சுந்தம்பட்டி கிராமத்தில் சிதிலமடைந்து பயனற்ற நிலையில் உள்ள மகளிர் சுகாதார வளாகத்தை சீரமைத்து தர வேண்டும் என அப்பகுதி மக்கள் கோரிக்கை விடுத்துள்ளனர். இந்தக் கிராமத்தில் சுமார் ஆயிரத்துக்கும் மேற்பட்ட குடும்பத்தினர் வீடு கட்டி குடியிருந்து வருகின்றனர். இந்தக் கிராமத்தில் செல்லியம்மன் கோயில் அருகில் உள்ள ஊருணி கரைமேல் மகளிர் சுகாதார வளாகம் அமைந்துள்ளது.

ந்த சுகாதார வளாகம் பொதுமக்கள் பயன்பாடு இல்லாமல் சிதிலமடைந்து, குடிநீர் குழாய்கள், தொட்டிகள் உடைந்து லாயக்கற்ற நிலையில் உள்ளது. இந்த சுகாதார வளாகம் அருகில் ஆதிதிராவிடர் காலனி உள்ளது. எனவே, எந்த ஒரு பயன்பாடும் இல்லாமல் கிடக்கும் இந்த மகளிர் சுகாதார வளாகத்தை விரைந்து சீரமைத்து இப்பகுதி பொதுமக்கள் பயன்பாட்டிற்கு கொண்டு வர வேண்டும் என இப்பகுதி பொதுமக்கள் பெரிதும் எதிர்பார்க்கின்றனர்.