திண்டுக்கல் மாநகராட்சி ஊழியருக்கு பொதுமக்கள் பாராட்டு

திண்டுக்கல் மாநகராட்சி ஊழியர் ஒருவர் விபத்தில் சிக்கிய நாயை காப்பாற்றி உணவளித்து உபசரித்து வருகிறார். இவரின் உயிர்நேயத்தை பொதுமக்கள் பாராட்டி வருகின்றனர்.

திண்டுக்கல் மாநகராட்சி 32 வது வார்டுக்கு உட்பட்ட அனுமந்த நகர் விஜி காபி பார் சந்தில் கடந்த ஒரு வாரமாக நாய் ஒன்று விபத்தில் அடிபட்டு காலை இழந்து உயிருக்கு போராடிக் கொண்டு இருந்தது.இதனை மாநகராட்சி ஊழியர்கள் மீட்டு சிகிச்சை அளிக்க நடவடிக்கை எடுக்க வேண்டும் என அப்பகுதி மக்கள் கோரிக்கை வைத்தனர்.

இதையடுத்து மாநகராட்சி துப்புரவு பணியாளர் சுப்பிரமணி நாயை மீட்டு, அதற்கு உணவு அளித்து சிகிச்சை அளித்து பராமரித்து வருகிறார். அனைத்து உயிரையும் தன் உயிர் போல் நினைத்து காப்பாற்றும் உயிர் நேசத்தை வாழ்த்துகின்றனர்.