பொதுமக்கள் சாலை மறியல்

தென்காசி மாவட்டம் ஆலங்குளம் அருகே கழுநீா்குளத்தில் சுகாதாரமான குடிநீா் கோரி கிராம மக்கள் சாலை மறியலில் ஈடுபட்டனா். அங்குள்ள அம்பேத்கா் தெரு, அருந்ததியா் காலனி பகுதிகளில் சில நாள்களாக விநியோகிக்கப்பட்ட குடிநீா் கலங்கலாகவும், புழுக்களுடனும் இருந்ததாம். இதுகுறித்து ஊராட்சி நிா்வாகத்திடம் புகாா் அளித்தும் நடவடிக்கை இல்லையாம். ஞாயிற்றுக்கிழமை விநியோகிக்கப்பட்ட குடிநீரும் கலங்கலாகவே இருந்ததாம். இதையடுத்து, அப்பகுதியினா் 50-க்கும் மேற்பட்டோா் ஆலங்குளம் - சுரண்டை சாலையில் அமா்ந்து மறியலில் ஈடுபட்டனா். ஆலங்குளம் டிஎஸ்பி பா்ணபாஸ், வீரகேரளம்புதூா் போலீஸாா் சென்று பேச்சுவாா்த்தை நடத்தி, தக்க நடவடிக்கை எடுப்பதாக கூறியதன் பேரில் கிராம மக்கள் கலைந்து சென்றனா்.