புதுக்கோட்டை : கார் கவிழ்ந்த விபத்தில், குழந்தை பலியான சோகம்

சென்னை ஈக்காட்டுத்தாங்களிலுந்து சிவகங்கை மாவட்டம் திருப்பத்தூரில் திருமண நிகழ்ச்சிக்கு கலந்து கொண்டு சென்னை நோக்கி காரில் சென்று கொண்டிருந்தனர். அப்பொழுது புதுக்கோட்டை சிப்காட் என்ற பகுதியில் குறுக்கே நடந்து வந்த பெண்மணியால் கார் ஓட்டுநர் பிரேம் இடது புறம் காரை திருப்பிதால் கார் கட்டுப்பாட்டை இழந்து கவிழ்ந்து விபத்துக்குள்ளாகியது.

இதில் காரில் வந்து பலத்த காயமடைந்த இரண்டு வயது குழந்தை மருத்துவமனைக்கு கொண்டு செல்லும் வழியிலேயே உயிரிழந்தது. மேலும் ஆறு பேர் பலத்த காயமடைந்து புதுக்கோட்டை அரசு மருத்துவக் கல்லூரி மருத்துவமனைக்கு 108 ஆம்புலன்ஸ் மூலம் அனுப்பி வைக்கப்பட்டனர். இந்த விபத்து குறித்து வெள்ளனூர் காவல்துறையினர் தீவிர விசாரணை மேற்கொண்டு வருகின்றனர் என்பது குறிப்பிடத்தக்கது