புதுக்கோட்டை மாவட்ட அரசு இசைப்பள்ளி மாணவர் சேர்க்கை

புதுக்கோட்டை மாவட்ட அரசு இசைப்பள்ளி மாணவர் சேர்க்கை தற்போது நடைபெற்ற வருகிறது. இதில் நாதஸ்வரம், தவில், தேவாரம் ஆகிய வகுப்புகளுக்கு எழுத படிக்கத் தெரிந்தால் போதும் எனவும் மேலும் குரலிசை, வயலின், மிருதங்கம், பரதநாட்டியம் ஆகிய வகுப்புகளுக்கு விண்ணப்பிக்க ஏழாம் வகுப்பு தேர்ச்சி பெற்றிருக்க வேண்டும் எனவும் இந்த வகுப்புகளில் சேர வயது வரம்பு 12 வயது முதல் 25 வயது வரை உள்ளவர்கள் விண்ணப்பிக்கலாம் எனவும் பயிற்சி நேரம் காலை 10 மணி முதல் மாலை 4 மணி வரை நடைபெறும் எனவும் பயிற்சி கட்டணம் ரூபாய் 350 ஆகும்.

மேலும் அரசு சான்றிதழ் படிப்பான இந்த பயிற்சியில் அரசு துறையில் வேலை வாய்ப்புகளும், வானொலி, தொலைக்காட்சி மற்றும் திரைப்படங்களில் நிகழ்ச்சி வழங்க வாய்ப்புகளும் மற்றும் இலவச பஸ் பயண சலுகை, தங்கும் வசதி மற்றும் கல்வி உதவித்தொகை அரசியல் விதிகளின்படி வழங்கப்படும் மாணவர்கள் அனைவரும் ஊக்கத் தொகையாக மாதம் தோறும் ரூபாய் 400 வழங்கப்படும் எனவும் ஆர்வமுள்ள மாணவ மாணவிகள் மாவட்ட அரசு இசைப்பள்ளி, எண்:2970, வசந்தபுரி நகர், நரிமேடு சமத்துவபுரம் வழி, புதுக்கோட்டை 622005 என்ற முகவரியில் தலைமையாசிரியரை நேரில் அணுகலாம்.

மேலும் விவரங்களுக்கு 04322225575, 94861 52007 என்ற எண்களில் தொடர்பு கொள்ளலாம் என்று புதுக்கோட்டை மாவட்ட ஆட்சித் தலைவர் மெர்சி ரம்யா வெளியிட்டுள்ள செய்தி குறிப்பில் தெரிவிக்கப்பட்டுள்ளது.