புனித அந்தோணியார் ஆலய திருவிழாவில் புதுநன்மை திருப்பலி

தூத்துக்குடி மறைமாவட்டம், தாளமுத்துநகா் பங்கில் அமைந்துள்ள சிலுவைப்பட்டி புனித அந்தோணியார் ஆலய திருவிழா கடந்த 15ஆம் தேதி கொடியேற்றத்துடன் துவங்கியது. விழாவில் 12ஆம் திருவிழாவான 100வது திவ்ய நற்கருணை பவனி நடைபெற்றது. தொடர்ந்து தூத்துக்குடி மதுரை மாவட்ட முதன்மை ஆணையர் பன்னீர்செல்வம் தலைமையில், திருவிழா மாலை ஆராதனை நடைபெற்றது.

சனிக்கிழமை காலை திருவிழா கூட்டுத் திருப்பலி மற்றும் புது நன்மை வழங்கும் நிகழ்வு நடைபெற்றது. பாளை மறை மாவட்ட முன்னாள் ஆயர் ஜூடு பால்ராஜ் கலந்து கொண்டு தலைமை மறைவுரை ஆற்றினார். விழாவில், தாளமுத்துநகா் பங்குதந்தை நெல்சன்ராஜ், உதவி பங்குதந்தை அமல்ராஜ், மற்றும் இறைமக்கள் பலர் கலந்து கொண்டனர். விழா ஏற்பாடுகளை தாளமுத்துநகா் பங்குதந்தையா்கள், ஊா் நிா்வாகிகள் மற்றும் இறைமக்கள் செய்திருந்தனா்.