சாத்தூர் அருகே வீடுகளுக்குள் புகுந்த மழை நீர்

விருதுநகர் மாவட்டம் சாத்தூர் மற்றும் சுற்றுவட்டார பகுதிகளில் கடந்த 20 மணி நேரத்திற்கும் மேலாக தொடர் அடை மழை பெய்து வருகிறது இதனால் பெரும்பாலான ஏரி குளம் கண்மாய் உள்ளிட்ட நீர் நிலைகள் நிரம்பி வரும் நிலையில் தெருக்களில் வீடுகளில் சாலைகள் எங்கும் மழை நீர் தேங்கி குளம் போல் காட்சியளிக்கிறது மேலும் ஒரு சில பகுதிகளில் மழை நீர் தேங்கியதால் வீடுகளுக்குள் மழை நீர் புகுந்தும் வீடுகள் இடிந்தும் காணப் படுகின்றன. விருதுநகர் மாவட்டம் சாத்தூர் அருகில் உள்ள சின்னத்தம்பிபுரம் கிராமத்தில் உள்ள வீடுகளுக்குள் மழை நீர் புகுந்தது உள்ளதால் பொதுமக்கள் பெரிதும் அவதிப்பட்டு வருகின்றனர். வீடுகளில் இருந்த மின்சாதன பொருட்கள் அனைத்தும் சேதமடைந்தன. மேலும் தொடர் மழை காரணமாக பாதிக்கப்பட்ட சின்னத்தம்பிபுரம் கிராமத்தில் சாத்தூர் சேர்மன் மற்றும் அரசு அதிகாரிகள் நேரில் சென்று ஆய்வு செய்தனர்.