தென்காசியில் ராஜீவ்காந்தி நினைவு தினம் அனுசரிப்பு

தென்காசியில் முன்னாள் பிரதமர் ராஜீவ் காந்தியின் 33-ஆம் ஆண்டு நினைவு நாளை முன்னிட்டு காங்கிரஸ் கட்சியின் மாலை அணிவித்து மரியாதை செலுத்தினர். முன்னாள் பிரதமரும் காங்கிரஸ் கட்சியின் தலைவருமான ராஜீவ் காந்தியின் 33-ஆம் ஆண்டு நினைவு நாள் இன்று நாடு முழுவதும் அனுசரிக்கப்படுகிறது.

அதன்படி தென்காசி மாவட்டத்தில் மேலகரத்தில் காங்கிரஸ், எஸ்சி எஸ்டி பிரிவு மாவட்ட தலைவர் ராமச்சந்திரன் தலைமையில் பல்வேறு அமைப்பினர் அலங்கரித்து வைக்கப்பட்டிருந்த உருவ படங்களுக்கு மாலை அணிவித்து மரியாதை செலுத்தினர். தொடர்ந்து தென்காசி நகரப் பகுதியில் அமைந்துள்ள காந்தி சிலை முன்பு மாவட்ட மகளிர் அணி தலைவி பூமாதேவி மற்றும் கட்சியினர் ராஜீவ் காந்தியின் திருவுருவப்படத்திற்கு மாலை அணிவித்தும் மலர்கள் தூவியும் அஞ்சலி செலுத்தினர்.

தொடர்ந்து உறுதிமொழியும் ஏற்றுக்கொண்டனர். இதேபோல மாவட்டத்தின் பல பகுதிகளில் காங்கிரஸ் கட்சியினர் நினைவு தினத்தை முன்னிட்டு அனைவரும் ராஜீவ் காந்தியின் திருவுருவப் படத்திற்கு மலர் தூவி அஞ்சலி செலுத்தி உள்ளனர்..