ராம நவமியை முன்னிட்டு சிறப்பு அபிஷேக ஆராதனை

சிவகங்கை மாவட்டம், மேலவாணியங்குடி கிராமத்தில் அமைந்துள்ள பிரசித்தி பெற்ற அருள்மிகு ஸ்ரீ சீரடி சாய்பாபா திருக்கோவிலில் ராம நவமி திருநாளை முன்னிட்டு சிறப்பு யாக பூஜைகள் மற்றும் அபிஷேக ஆராதனைகள் நடைபெற்றது. முன்னதாக சாய்பாபா சுவாமி முன்பு புனித நீர் நிரப்பப்பட்ட கலசங்களை வைத்து யாக குண்டம் அமைத்து, விக்னேஸ்வர பூஜையுடன் யாக பூஜைகள் தொடங்கியது. தொடர்ந்து சாய்பாபாவின் மூல மந்திரங்கள் கூறி யாக குண்டத்தில் 108 மூலிகை பொருட்கள் சமர்ப்பித்து தீப ஆராதனை காண்பிக்கப்பட்டது. தொடர்ந்து சாய்பாபா சுவாமிக்கு பால், பன்னீர், இளநீர் மற்றும் கலசத்தில் உள்ள புனித நீரால் அபிஷேகம் செய்து தீப ஆராதனை காண்பிக்கப்பட்டன. பின்னர் சிறப்பு அலங்காரம் செய்து நிறைவாக தீப ஆராதனைகள் நடத்தப்பட்டன. இதில் ஏராளமான பக்தர்கள் கலந்து கொண்டு சாய்பாபா சுவாமியை வழிபட்டனர்.