ரமண மகரிஷி ஜெயந்தி விழா

விருதுநகர் மாவட்டம் திருச்சுழியில் ரமண மகரிஷி ஜெயந்தி விழா அவருடைய பிறந்த இல்லத்தில் நடைபெற்றது. திருச்சுழியில் உள்ள சுந்தர மந்திரம் இல்லத்தில் ரமண மகரிஷி புனர்பூச நட்சத்திரத்தில் பிறந்ததால் ஒவ்வொரு ஆண்டும் அவர் பிறந்த வீட்டில் ஜெயந்தி விழா கொண்டாடப்பட்டு வரும் நிலையில் புனர்பூசம் நட்சத்திர தினமான நேற்று அவரது இல்லத்தில் வேத மந்திரங்கள் முழங்க சிறப்பு யாகசாலை பூஜைகள் நடைபெற்றது.

அதை தொடர்ந்து ரமண மகரிஷிக்கு சிறப்பு பூஜைகள் நடைபெற்றன. தீபாராதனை காட்டப்பட்டது. ரமண மகரிஷி பக்தர்களுக்கு அருள் பாலித்தார். திரளான பக்தர்கள் கலந்து கொண்டனர். பக்தர்களுக்கு அன்னதானம் வழங்கப்பட்டது.