ராணிப்பேட்டை மாவட்டத்தில் 207 மி மீ மழை பதிவு

வளிமண்டல கீழடுக்கு சுழற்சி காரணமாக தமிழகத்தில் ஒன்பது மாவட்டங்களுக்கு கனமழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்தது..அதன்படி ராணிப்பேட்டை மாவட்டத்தில் பல்வேறு பகுதிகளில் நேற்று இரவு வாலாஜாபேட்டை, முத்துக்கடை, ஆட்டோநகர், வீ.சி.மோட்டூர் மாந்தாங்கல், ராணிப்பேட்டை, நவல்பூர், சிப்காட், பெல், உள்ளிட்ட மாவட்டத்தில் பல்வேறு இடங்களில் சுமார் 2 மணி நேரத்துக்கு மேலாக பரவலாக கனமழை கொட்டி தீர்த்தது. மேலும் கொட்டி தீர்த்த கன மழையால் சாலைகள் மற்றும் வீதியில் உள்ள கால்வாய்கள் முழுவதுமாக தண்ணீர் நிரம்பி சாலையில் பெருக்கெடுத்து ஓடியது. அதன்படி மாவட்ட முழுவதும் 207 மில்லி மீட்டர் மழை பதிவாகியுள்ளதாக மாவட்ட நிர்வாகம் சார்பில் தகவல் தெரிவிக்கப்பட்டுள்ளது.