ராசிபுரம் : மாநில அளவிலான உள்அரங்கு வில்வித்தை விளையாட்டுப் போட்டிகள்

நாமக்கல் மாவட்டம் ராசிபுரம் அடுத்த மசக்காளிப்பட்டி மகரிஷி வித்யாமந்திர் பள்ளியில், ௨வது ஆண்டாக மாநில அளவிலான உள்அரங்கு வில்வித்தைப் போட்டி நடைபெற்றது. இப்போட்டிக்கு தமிழ்நாடு உள் அரங்கு வில்வித்தை சங்க தலைவர் மதன் தலைமை வகித்தார். பொதுச்செயலாளர் கேசவன் வரவேற்றார். மகரிஷி வித்யாமந்திர் பள்ளித்தலைவர் சிதம்பரம் வாழ்த்துரை வழங்கினார். போட்டிகளை தமிழக பாஜக., துணைத்தலைவர் கே.பி.இராமலிங்கம் தொடங்கி வைத்தார். இதில், 350-க்கும் மேற்பட்ட வில்வித்தை வீரர்கள் மற்றும் வீராங்கனைகள் கலந்து கொண்டனர். இப்போட்டி இண்டியன், ரிக்கோர்வ், காம்பவுண்ட், பேர்போ என 4 வகைகளில் 10, 14, 17, 19 வயதுக்குட்பட்டோர் மற்றும் 19 வயதுக்கு மேற்பட்டோருக்கு என ஐந்து பிரிவுகளிலும் நடத்தப்பட்டன.வெற்றி பெற்றவர்களுக்கு கோப்பைகள் மற்றும் சான்றிதழ் வழங்கப்பட்டன.