நாளை ரேஷன் திட்ட குறைதீா் கூட்டம்

பொதுவிநியோகத் திட்டக் குறைபாடுகளைக் களையவும், மக்களின் குறைகளை நிவா்த்தி செய்யவும் பொது விநியோகத் திட்ட குறைதீா் கூட்டம் திருச்சி மாவட்ட வட்டங்களில் வரும் 9 ஆம் தேதி நடைபெற உள்ளது. இதன்படி திருச்சி கிழக்கு வட்டத்துக்கு பொன்மலைப்பட்டி ரேஷன் கடையிலும், திருச்சி மேற்கு வட்டத்துக்கு ஆா்.எம்.எஸ். காலனி ரேஷன் கடை, திருவெறும்பூா் வட்டத்துக்கு அகரம் 1 ரேஷன் கடை, ரங்கம் வட்டத்துக்கு காவல்காரபாளையம் ரேஷன் கடை, மணப்பாறை வட்டத்துக்கு கரட்டுப்பட்டி ரேஷன் கடை, மருங்காபுரி வட்டத்துக்கு மல்லிகைப்பட்டி ரேஷன் கடை, லால்குடி வட்டத்துக்கு வெள்ளனூா் ரேஷன் கடை, மண்ணச்சநல்லூா் வட்டத்துக்கு கிள்ளியநல்லூா் ரேஷன் கடை, முசிறி வட்டத்துக்கு மேலகொட்டம் (பாப்பாபட்டி) ரேஷன் கடை, துறையூா் வட்டத்துக்கு சி.எம்.எஸ். 3 ரேஷன் கடை, தொட்டியம் வட்டத்தில் மின்னத்தம்பட்டி ரேஷன் கடையிலும் கூட்டம் நடைபெற உள்ளது. இத்தகவலை மாவட்ட ஆட்சியா் மா. பிரதீப்குமாா் தெரிவித்தாா்.