ரியல் எஸ்டேட் முகவர் மர்ம நபர்களால் குத்தி கொலை

விருதுநகர் மாவட்டம், சாத்தூர் அருகே வெம்பகோட்டையில் இருந்து சிவகாசி செல்லும் சாலையில் மண்குண்டாம்பட்டி சாலையோரத்தில் உள்ள டீ கடையில் சத்திரப்பட்டியைசேர்ந்த தவுட்டுராஜ்(60) என்பவர் இன்று காலை நின்று கொண்டிருந்த போது மர்ம நபர்கள் சுற்றிவளைத்து கத்தியால் குத்தியதில் சம்பவ இடத்தில் ரத்தவெள்ளத்தில் உயிரிழந்தார்.

இவர் இந்த பகுதியில் ரியல் எஸ்டேட் வேலை செய்து வருகிறார். இதையடுத்த தகவலறிந்த சாத்தூர் காவல் துறை துணை கண்காணிப்பாளர் சுரேஷ்குமார்,வெம்பக்கோட்டை காவல்துறையினர் சம்பவ இடத்திற்கு விரைந்து வந்து விசாரணை மேற்கொண்டு வருகின்றனர்.

முதல் கட்ட விசாரணையில் இடம் வாங்கி விற்பனை செய்வதில் முன்விரோதம் காரணமாக ஏற்பட்ட தகராறு கொலை செய்யப்பட்டாரா என்பது குறித்து போலீசார் விசாரணை நடத்தி வருகின்றனர்.