டிரான்ஸ்பார்மர் மின்கம்பத்தை மாற்ற கோரிக்கை

ஆலங்குடி அருகே அரசம்பட்டி நால் ரோட்டில் ஆலங்குடி- புதுக்கோட்டை செல்லும் சாலையோரம் உள்ள டிரான்ஸ்பார்மரில் உள்ள மின்கம்பங்கள் சிமெண்ட் பூச்சிகள் பெயர்ந்து கான்கிரீட் கம்பிகள் வெளியே தெரியும் வண்ணம் சேதமடைந்த நிலையில் உள்ளது. இந்த சாலையில் தினமும் நூற்றுக்கணக்கான இரண்டு சக்கர நான்கு சக்கர வாகனங்கள் சென்று வருகின்றன. கடந்த சில நாட்களாக அப்போது காற்றுடன் லேசான மழை பெய்து வருகிறது.

இதனால் பழுதடைந்த நிலையில் உள்ள இந்த மின்கம்பம் சாலையில் விழுந்த அசம்பாவிதம் ஏற்படுமோ என்ற அச்சமடைந்து வருவதாக பகுதி மக்கள் தெரிவிக்கின்றன. எனவே மின்வாரிய அதிகாரிகள் உடனடியாக சாலையோரம் சேதம் அடைந்த நிலையில் உள்ள மின்கம்பத்தை அகற்றி புதிய மின் கம்பம் அமைக்க உடனடியாக நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.