காவல் நிலையத்தில் அடிப்படை வசதிகள் செய்து தர கோரிக்கை

கூடுவாஞ்சேரி ஜி.எஸ்.டி., சாலையில் காவல் நிலைய வளாகத்திற்குள், அனைத்து மகளிர் காவல் நிலையம் செயல்பட்டு வருகிறது. இந்த காவல் நிலையத்திற்கு, சுற்றுவட்டார பகுதிகளைச் சேர்ந்த பொதுமக்கள் மற்றும் பெண்கள் குடும்ப பிரச்னை தொடர்பாகவும், பெண்களுக்கு எதிரான குற்றங்கள் தொடர்பாகவும் புகார் அளிக்க வருகின்றனர். காவல் நிலையம் வரும் பெண்களுக்கு, அடிப்படை வசதிகளான குடிநீர், கழிப்பறை வசதி இல்லை. மேலும், இருக்கை வசதியும் இல்லை. இதனால், காவல் நிலையத்திற்கு வரும் பெண்கள் மற்றும் முதியோர், நின்றபடியும், சாலையில் அமர்ந்தும் புகார் எழுதிக்கொடுக்க வேண்டிய நிலை உள்ளது. எனவே, காவல் நிலையத்திற்கு வரும் பெண்களுக்கு புகார் எழுதுவதற்கான இருக்கைகள் மற்றும் அடிப்படை வசதிகள் அமைக்க, மாவட்ட நிர்வாகம் உரிய நடவடிக்கை எடுக்க வேண்டும் என, சமூக நல ஆர்வலர்கள் கோரிக்கை விடுத்துள்ளனர்.