நாட்றம்பள்ளி அருகே வெலக்கல்நத்தம் பகுதியில் உள்ள பொது கழிப்பிடம் சீர் செய்ய கோரிக்கை!

திருப்பத்தூர் மாவட்டம் நாட்றம்பள்ளி அடுத்த வெலக்கல்நத்தம் பஞ்சாயத்துக்குட்பட்ட அம்பேத்கர் நகரில் 150 க்கும் மேற்பட்ட குடும்பங்கள் வசித்து வருகின்றன. இந்த நிலையில் கடந்த 2011-2012 பொது கழிப்பிடம் கட்டப்பட்டுள்ளது. இந்த பொது கழிப்பிடம் ஒரு வருடம் மட்டுமே பயன்படுத்தப்பட்டுள்ளது. போதுமான தண்ணீர் வசதி இல்லாததாலும் , முறையான பராமரிப்பு இல்லாததாலும் அந்த பொது கழிப்பிடம் யாரும் பயன்படுத்தாமல் சேதமடைந்து தூய்மையற்ற நிலையில் தற்போது உள்ளது. மேலும் அப்பகுதி மக்கள் திறந்தவெளியில் மலம் கழித்து வருகின்றனர். மேலும் அப்பகுதி மக்கள் பயன்பாட்டிற்காகவும், இந்த பொது கழிப்பிடம் அரசு மருத்துவமனைக்கு அருகாமையிலேயே உள்ளதால் மருத்துவமனைக்கு வந்து செல்லும் பொதுமக்களும் இது பயன்படுத்துவதற்கு வசதியாக இருக்கும் என்பதால் அப்பகுதி மக்கள் பலமுறை சம்பந்தப்பட்ட அதிகாரிகளிடம் மனு அளித்தும் இதுவரை அந்தமனு மீது எவ்வித நடவடிக்கையும் எடுக்கவில்லை எனவும் கூறப்படுகிறது. எனவே துறை சார்ந்த அதிகாரிகள் இது குறித்து ஆய்வு மேற்கொண்டு பயன்பாட்டில் இல்லாத பொதுக் கழிப்பிடத்தை சரிசெய்து பொதுமக்களின் பயன்பாட்டிற்கு கொண்டு வர வேண்டும் என அப்பகுதி மக்கள் கோரிக்கை விடுத்து வருகின்றனர்.