பேரிடர் கால பணிகளில் ஈடுபடும் தன்னார்வ குழுவுக்கு மீட்பு கருவிகள்

திருவண்ணாமலை:- வந்தவாசி வட்டாட்சியர் அலுவலகத்தில், பேரிடர் கால பணிகளில் ஈடுபடும் தன்னார்வ குழுவுக்கு மீட்பு கருவிகளை வந்தவாசி வட்டாட்சியர் பொன்னுசாமி வழங்கினார். திருவண்ணாமலை மாவட்டம்,வந்தவாசி பகுதியில் மழையால் பாதிக்கப்படும் பகுதிகளாக 14 கிராமங்கள் கண்டறியப்பட்டுள்ளது. மழைக்காலத்தில் பாதிக்கப்படும் மக்களை காப்பாற்றவும், மீட்பு குழுக்களுடன் இணைந்து பணியாற்றும் தன்னார்வலர்கள் மாவட்ட அளவில் தேர்ந்தெடுக்கப்பட்டுள்ளனர். அவர்களில் 18 பேருக்கு மீட்புப்பணி உபகரணங்களை வட்டாட்சியர் பொன்னுசாமி வழங்கினார். அப்போது, மண்டல துணை வட்டாட்சியர்கள் ஆனந்தகுமார், மாரிமுத்து,வருவாய் ஆய்வாளர் வெங்கடேசன், கிராம நிர்வாக அலுவலர் ரேவதி உள்ளிட்டோர் உடனிருந்தனர்.