கலவை அருகே கிணற்றிலிருந்து முதியவர் சடலமாக மீட்பு

ராணிப்பேட்டை மாவட்டம், கலவை அருகே உள்ள பென்னகர் மேட்டுக்காலனி ஆஞ்சநேயர் கோயில் தெருவை சேர்ந்தவர் சின்னப்பா (80) இவருக்கு கண்ணியப்பன், மாரிமுத்து என்ற இரு மகன்கள் உள்ளனர். சின்னப்பா கடந்த ஓரு வருடகாலமாக மனநலம் பாதிக்கப்பட்டு இருந்து வந்துள்ளதாக தெரிகிறது. நேற்றில் இருந்து காணாமல் போனதால் அவரை தேடி வந்துள்ளனர். இந்த நிலையில் மாம்பாக்கம் அருகே உள்ள வனகாடு பகுதி ஒட்டியுள்ள கிணற்றில் சடலமாக கிடப்பதாக கிடைத்த தகவலின் பேரில் வாழைப்பந்தல் ரமேஷ் தலைமையிலான போலீசார் சம்பவ இடத்திற்கு விரைந்து சென்று தீயணைப்பு வீரர்கள் உதவியுடன் சடலத்தை மீட்டு பிரேத பரிசோதனைக்காக ஆற்காடு மருத்துவமனைக்கு அனுப்பி வைத்தனர். மேலும் சின்னப்பா எப்படி இங்கே வந்தார், எப்படி கிணற்றில் விழுந்தார் உள்ளிட்ட பல்வேறு கோணங்களில் வாழைப்பந்தல் போலீசார் வழக்கு பதிவு செய்து விசாரணை மேற்கொண்டு வருகின்றனர்.