நாகர்கோவிலில் ஓய்வு பெற்ற போலீசார் ஆர்ப்பாட்டம்

ஓய்வு பெற்ற காவல் துறையினருக்கு மருத்துவ காப்பீடு திட்டத்தில் சிகிச்சை பெற உடனடியாக புகைப்படத் துடன் கூடிய காப்பீடு அட்டை வழங்க வேண்டும் என்பது போன்ற 15 அம்ச கோரிக்கைகளை வலியுறுத்தி கன்னியாகுமரி மாவட்ட ஓய்வு பெற்ற காவலர்கள் நல சங்கம் சார்பில் நாகர்கோவில் அண்ணா விளையாட்டு அரங்கம் அருகே நேற்று ஆர்ப்பாட்டம் நடைபெற்றது. சங்கத் தலைவர் பென்சிகர் தலைமை வகித்தார். செயலாளர் சுகுமார் முன்னிலை வகித்தார். இந்த ஆர்ப்பாட்டத்தில் தமிழ்நாடு அரசு அனைத்து துறை ஓய்வூதியர்கள் சங்க மாவட்ட தலைவர் அல்போன்ஸ் ஓய்வு பெற்ற பள்ளி கல்லூரி ஆசிரியர் சங்கம் தலைவர் ஐயப்பன் பிள்ளை மற்றும் பல்வேறு சங்கங்களை சேர்ந்தவர்கள் பங்கேற்று பேசினார்கள். ஆர்ப்பாட்டத்தில் நூற்றுக்கும் மேற்பட்ட போலீசார் கலந்து கொண்டனர்.