வாகன விபத்தில் ஓய்வு பெற்ற விஏஓ உயிரிழப்பு

திருச்சிமாவட்டம், லால்குடி அருகே கல்லக்குடி மால்வாய் பிரிவு ரோட்டில் வசித்து வருபவர் 73 வயதான தர்மராஜ் ஓய்வு பெற்ற கிராம நிர்வாக அதிகாரி.இவர் தனக்கு சொந்தமான புதிய இரு சக்கர வாகனத்தில் திருச்சி- சிதம்பரம் தேசிய நெடுஞ்சாலையில் கல்லக்குடி சுங்கச்சாவடியில் உள்ள டீ கடைக்கு சென்ற போது அவருக்கு பின்னால் வந்த திருச்சி தனியார் மருத்துவமனையின் ஆம்புலன்ஸ் அதிவேகமாக வந்து தர்மராஜ் வானத்தின் மீது மோதியதில் விபத்து ஏற்பட்டு தூக்கி வீசப்பட்டதில் தலையில் பலத்த ரத்தகாயமடைந்து சம்பவ இடத்திலேயே தர்மராஜ் உயிரிழந்தார்.

இதுகுறித்து தகவலறிந்த கல்லக்குடி போலீசார் சம்பவ இடத்திற்கு விரைந்து சென்று இறந்தவரின் உடலை கைப்பற்றி லால்குடி அரசு மருத்துவமனைக்கு பிரேதபரிசோதனை செய்ய அனுப்பி வைத்தனர்.மேலும் விபத்து குறித்து வழக்கு பதிந்து விபத்து ஏற்படுத்திய ஆம்புலன்ஸ் டிரைவர் திருச்சி துப்பாக்கி தொழிற்சாலை பர்மாகாலனியை சேர்ந்த அப்புகுட்டி மகன் 44 வயதான சரவணனை கைது செய்தனர்.