காஞ்சியில் நெல் அறுவடை தீவிரம்

காஞ்சிபுரம் மாவட்ட விவசாயிகள், ஆறு, ஏரி மற்றும் நிலத்தடி நீரை பயன்படுத்தி சொர்ணவாரி, சம்பா, பின் சம்பா, நவரை உள்ளிட்ட பருவங்களில் ஏ.டி.டீ., - 36, ஐ.ஆர்., - 50, ஐ.ஆர் - 20, கோ - 43, 45, கோ - 51, குண்டு, வெள்ளை பொன்னி உள்ளிட்ட பல்வேறு நெல் ரகங்கள் சாகுபடி செய்து வருகின்றனர். காஞ்சிபுரம் வட்டாரத்தில் கிளார், முசரவாக்கம் உள்ளிட்ட பகுதியில், மூன்று மாதங்களுக்கு முன், நவரை பருவத்தில் சாகுபடி செய்யப்பட்ட ஏ.டி.டீ., - 36 , கோ - 43, குண்டு உள்ளிட்ட நெல் ரகங்கள் சாகுபடி செய்யப்பட்டன. இப்பயிர்கள் அறுவடைக்கு தயாரான நிலையில் இருந்தன. இந்நிலையில், ஒரு வாரமாக கிளார், முசரவாக்கம் சுற்றுவட்டார பகுதியில் நெல் அறுவடை செய்யும் பணி நடந்து வருகிறது. இதில், விவசாய கூலி தொழிலாளர்கள் தீவிரமாக ஈடுபட்டுள்ளனர்.