தூத்துக்குடியில் ரோடு ரோலர் திருட்டு: வாலிபர் கைது

தூத்துக்குடி முத்தையாபுரம் அபிராமி நகரைச் சேர்ந்தவர் ஜெகவீர பாண்டியன் மகன் சரவணன் (46). இவர் புதிய துறைமுகத்தில் ரோடு ஒப்பந்த பணிகளை மேற்கொண்டு வருகிறார். இந்நிலையில் சாலையோரத்தில் நிறுத்தியிருந்த அவரது சாலை அமைக்கும் ரோலர் எந்திரம் திருடுபோய்விட்டது. இது தொடர்பாக அவர் முத்தையாபுரம் காவல் நிலையத்தில் புகார் அளித்துள்ளார். புகாரின் பேரில் சப் இன்ஸ்பெக்டர் ஈஸ்வரமூர்த்தி வழக்குப் பதிந்து விசாரணை நடத்தியதில், முத்தையாபுரம் தங்கம்மாள் புரத்தைச் சேர்ந்த தர்மர் மகன் முத்துராஜ் (20) என்பவர் திருடியது தெரியவந்தது. இதையடுத்து போலீசார் அவரை கைது செய்து எந்திரத்தை மீட்டனர்.