செஞ்சி அரசுபள்ளியில் சாலை பாதுகாப்பு விழிப்புணர்வு கண்காட்சி

விழுப்புரம் மாவட்டம் செஞ்சி ராஜா தேசிங்கு அரசு ஆண்கள் மேல்நிலைப்பள்ளியில் சாலை பாதுகாப்பு குறித்த விழிப்புணர்வு கண்காட்சி நடைபெற்றது.

தமிழ்நாடு அரசு போக்குவரத்து கழகம் சார்பில் சாலை பாதுகாப்பு விழிப்புணர்வு குறித்த புகைப்படங்கள் அடங்கிய கண்காட்சி பஸ், பள்ளி வளாகத்தில் நிறுத்தப்பட்டு இருந்தது.

மாணவர்கள் அந்த பஸ்சில் ஏறி சாலை பாதுகாப்பு விழிப்புணர்வு வாசகங்கள் மற்றும் புகைப்படங்கள் ஆகியவற்றை பார்வையிட்டனர். இந்த நிகழ்ச்சிக்கு பள்ளியின் தலைமை ஆசிரியர் கணபதி தலைமை தாங்கினார். அரசுபோக்குவரத்து கழக செஞ்சி கிளை மேலாளர் சுரேஷ் முன் னிலை வகித்தார். செஞ்சி போக்குவரத்து போலீஸ் இன்ஸ்பெக்டர் அப்பாண்டைராஜன் மாணவர்களுக்கு கண்காட்சி புகைப்படங்களை விளக்கி கூறினார்.

நிகழ்ச்சியில் அரசு போக்குவரத்து கழக செஞ்சி கிளை தொ.மு.ச. பொதுச்செயலாளர் லூர்துஇம்மானுவேல், ஷாஜ கான், ஆசிரியர்கள் குமரவேல், தமிழரசன், மோகனசுந்தரம், அன்ப ரசி உள்பட பலர் கலந்து கொண்டனர்.