சேந்தமங்கலத்தில் சாலைப் பாதுகாப்பு விழிப்புணர்வு

நாமக்கல் மாவட்டம் சேந்தமங்கலம் அரசு ஆண்கள் மேல்நிலைப் பள்ளியில் அப்துல் கலாம் நண்பர்கள் குழு சார்பில் தேசிய சாலை பாதுகாப்பு மாத விழாவை முன்னிட்டு பள்ளி மாணவ,மாணவியர்களுக்கு சாலை பாதுகாப்பு குறித்து விழிப்புணர்வு நிகழ்ச்சி நடைபெற்றது. தேசிய சாலை பாதுகாப்பு மாத விழா ஜனவரி 15ஆம் தேதி முதல் பிப்ரவரி 14-ம் தேதி வரை கடைபிடிக்கப்படுகிறது.சாலை பாதுகாப்பு மாத விழாவை முன்னிட்டு பள்ளி மாணவ மாணவியர்களுக்கு சாலை பாதுகாப்பு குறித்த விழிப்புணர்வு நிகழ்ச்சி நடைபெற்றது. இந்த விழிப்புணர்வு நிகழ்ச்சியில் அப்துல் கலாம் நண்பர்கள் குழு ஒருங்கிணைப்பாளர் ராஜா பள்ளி மாணவ, மாணவியர்களுக்கு சாலை பாதுகாப்பு குறித்து விழிப்புணர்வு ஏற்படுத்தினார். விபத்துகளை தடுக்கும் வழிமுறைகள் குறித்தும், தலைக்கவசம் அணிந்து சென்றால் தலையில் காயம் ஏற்படாமல் உயிர் இழப்புகளை தவிர்க்கலாம் என விழிப்புணர்வு ஏற்படுத்தினார். அதனை தொடர்ந்து விழிப்புணர்வு உறுதிமொழி ஏற்கப்பட்டது . இந்த விழிப்புணர்வு நிகழ்ச்சியில் பள்ளி தலைமையாசிரியர் மற்றும் ஆசிரிய, ஆசிரியைகள், மாணவ, மாணவியர்கள் உள்ளிட்ட பலர் கலந்து கொண்டனர்.