கல்லூரி மாணவர்களுக்கு சாலை பாதுகாப்பு - விழிப்புணர்வு கருத்தரங்கம்

நாமக்கல் மாவட்டத்தில் சாலை விபத்துகளினால் இறப்புகள் நிகழ்வதை தடுக்கும் விதத்தில் பல்வேறு நடவடிக்கைகளை மாவட்ட ஆட்சித் தலைவர் எடுத்து வருகிறார். அதன் ஒரு பகுதியாக பள்ளி மற்றும் கல்லூரி மாணவர்களுக்கு சாலை பாதுகாப்பு விதிகளை அறிந்து கொள்ளும் பொருட்டு வள்ளிபுரம் அசோக் லேலண்ட் ஓட்டுநர் பயிற்சி மையத்தில் சி.எம்.எஸ் பொறியியல் கல்லூரியை சார்ந்த மாணவர்களுக்கு சாலை பாதுகாப்பு குறித்த விழிப்புணர்வு கருத்தரங்கம் நடைபெற்றது.

இந்நிகழ்வினை நாமக்கல் வடக்கு வட்டார போக்குவரத்து அலுவலர் முருகேசன் தலைமையில் ரெட் கிராஸ் செயலர் சி.ஆர்.இராஜேஸ் கண்ணன் முன்னிலையில் நடைபெற்றது. அசோக் லேலண்ட் ஓட்டுநர் பயிற்சி மையத்தின் தலைவர் பாலகுமாரன் தலைமையில் பயிற்சி கருத்தாளர்களாக ஹரி பாஸ்கர் , சித்தேஷ் மற்றும் சி.எம்.எஸ் கல்லூரி ஆசிரியர்களும் கலந்து கொண்டு சாலை பாதுகாப்பு குறித்த விழிப்புணர்வினை மாணவர்களுக்கு ஏற்படுத்தினர்.