காவல்துறை சார்பில் போக்குவரத்து விதி விழிப்புணர்வு வாகன பேரணி

கபிஸ்தலம் காவல்துறை சார்பில் பாபநாசம் காவல் துணை கண்காணிப்பாளர் அசோக் மேற்பார்வையில் கபிஸ்தலம் போலீஸ் இன்ஸ்பெக்டர் மகாலட்சுமி தலைமையில் போலீசார் கபிஸ்தலம் பகுதியில் பொதுமக்கள் சாலை போக்குவரத்து விதிகளை கடைபிடிக்கவும், ஹெல்மெட் அணிய வலியுறுத்தியும், ஹெல்மெட் அணிந்து காவலர்கள் இருசக்கர வாகன பேரணி நடத்தினர்.

இந்த நிகழ்ச்சியில் பொதுமக்கள் போக்குவரத்து விதிகளை பின்பற்ற வேண்டும் எனவும், வாகனத்தில் வாகன உரிமை, இன்சூரன்ஸ், உள்ளிட்ட அனைத்து விதிகளையும் பின்பற்ற வேண்டும் எனவும் அவசியம் ஹெல்மெட் அணிய வேண்டும் எனவும் வலியுறுத்தி நடைபெற்ற இந்த பேரணி கபிஸ்தலம் பாலக்கரை வழியாக முக்கிய விதிகள் வழியாக வந்து மீண்டும் கபிஸ்தலம் பாலக்கரை வந்து அடைந்தது .இந்த பேரணிக்கு கபிஸ்தலம் போலீஸ் இன்ஸ்பெக்டர் மகாலட்சுமி தலைமையில் நடைபெற்றது. கபிஸ்தலம் காவல் நிலையத்தை சார்ந்த அனைத்து காவலர்கள், பொதுமக்கள், உள்பட பலர் பங்கேற்றனர்,,,